Repertorio delle sorelle Bettinelli (Ripalta Nuova - CR)
El me murùs el stà de là del Sère
l’è picini ma ‘l gh’à le gambe bèle
l’è picini ma ‘l gh’à le alte ùs
el pusé bel dal mund l’è ‘l me murùs
iralalla laralalla laralalalla laralalà
E mi stanot g’ò fat d’un sogno matto
sugnài ch ‘l me murus al me stringeva ‘n braccio
e me g’ò fat per daga d’un basin
mi g’ò basà la fodra dal cussin
El me murus l’è bel e po l’è bel
al g’à du rissulit sòta al capèl
al g’à du rissulit d’una caviada
se lu l’è bel e me so inemurada
El me murus al m’à mandà una riga
al m’à mandat a dì che me son nigra
e me g’ò riscuntrà d’una rigassa
se me so nigra lu l’è de la rassa
El me murùs al m’à mandà una lètera
al m’à mandat a dì che me son puarèta
e me g’ò riscuntrà le so richèsse
lu ‘l pòrta la giachèta a punc e pèsse
El me murùs el m’à mandà una nus
al m’à mandàt a dì che lu l’è spus
e me g’ò riscuntrà d’una nisòla
se lu l’è spus e me g’ò già una fiòla
EL ME MURUS
tag